Mitaliwan na ang “Asia’s Queen of Songs” nga si Pilita Corales sa edad nga 85.
Ang kabilin ni Pilita Corrales sa OPM (kon Original Pilipino Music nahinumdoman dili lang sa iyang talagsaong vocal range ug trademark nga ‘backbend pose’ kon “moliad” kundili sa iyang walay kataposang hits nga nahimong Filipino clasics.
Ang iyang karera milungtad og kapin sa unom ka dekada, uban sa mga sikat nga kanta sama sa “Kapantay ay Langit”, “A Million Thanks to You”, “Matud Nila” og kantang ‘Usahay.
Ang inila nga Filipina-Spanish singer naka-record og kapin sa 100 ka albums sa Pilipinas.
Gisugdan niya ang iyang karera sa sayong bahin sa dekada 1960 nga nag-awit og mga kanta nga Kinatsila, sa ulahi mipalapad sa English, Tagalog, ug Cebuano nga musika. Siya ang hanas sa Cebuano, Kinatsila, Tagalog, ug Ingles, ug makaawit sa kanta nga Hapon ug Italyano.
Talagsaon si Pilita tungod siya ra ang Pinay nga nag-perform sa 1966 concert sa The Beatles sa Manila.
Si Pilita ang inahan sa mga aktor nga sila si Jackie Lou Blanco ug Ramon Christopher. Wala pay gipagawas nga detalye ang iyang pamilya sa hinungdan sa iyang pagpanaw.
Nagtunol og pahisubo ang mga higala, mga kabanay og kaubanan sa industriya sa banggitang singer og aktres.
