Gitakda na nga mahitabo ang Ash Wednesday sa Marso 5, 2025, isip sa pagsugod sa panahon sa kwaresma. Kalabot niini, gipagawas na sa Manila Cathedral ang ilang eskedyul sa misa ug pagpahid sa abo. Ang unang Misa ipahigayon sa alas 7:30 sa buntag nga pangunahan ni Msgr. Rolando dela Cruz.
Kini sundan sa Misa sa alas 12:10 sa udto nga pangunahan ni Fr. Vicente Gabriel Bautista Samtang ang katapusang Misa himuon sa alas 6:00 sa gabii ug pangunahan kini ni Cardinal Jose F. Advincula.
Sa laing bahin, aduna usay Sakramento sa Pagkumpisal gikan sa alas 10:00 sa buntag hangtod sa alas 12:00 sa hapon, ug alas 3:00 sa hapon hangtod alas 5:00 sa hapon.
Ang Ash Wednesday usa ka importanteng adlaw sa pagtuo sa Katoliko nga nagtimaan sa pagsugod sa Kwaresma o ang kwarenta ka adlaw sa pagpangandam alang sa Semana Santa.
Pinaagi sa pagbutang ug abo sa agtang, ang mga magtutuo gipahinumdoman sa kamahinungdanon sa paghinulsol, sakripisyo, ug pagkakabig ngadto sa Dios
