Kinahanglan mopailawom si kanhi Negros Oriental 3rd District Rep. Arnolfo “Arnie” Teves Jr. kinahanglang sa “major surgery,” matud sa iyang abogado nga si Atty. Ferdinand Topacia, human nalandig sa tambalanan tungod sa sakit sa tiyan.
Matod ni Topacio, gi-examine si Teves sa usa ka government hospital kagahapon, diin ang mga doktor miingon nga nagkinahanglan siya og dakong operasyon sa usa ka tambalanan nga kumpleto sa gamit.
Si Topacio nagdumili sa pagbutyag sa eksakto nga diagnosis sa mga doktor, nga giingon nga dili siya makahatag kasayuran bahin niini.
Dugang niya nga ang tanang korte nga nag-atubang og kaso batok kang Teves gipahibalo na sa iyang kahimtang karon.
Angay matikdan nga si Teves nag-atubang og 10 ka ihap sa pagpatay, 14 ka ihap sa frustrated murder, ug upat ka ihap sa attempted murder.
Kini nga mga kaso may kalambigitan sa Pamplona Massacre of 2023 diin gipatay si kanhi Negros Oriental Governor Roel Degamo ug siyam pa.
Human sa halos duha ka tuig nga pagtago-tago sa gawas sa nasod, nadakpan si Teves sa Dili, Timor-Leste niadtong Mayo 28 ug gi-deport dayon balik sa Pilipinas.
