GENERAL SANTOS CITY – May record sa robbery hold up si Danilo Alferes nga taga Cahilsot village Calumpang ning syudad ang ulahing biktima sa pagpamusil sa motor in tandeem.
Basi sa pahayag ni Police Major Robert Fores, labaw sa Makar Police station nga mihatag ug impormasyon ang labaw sa Intel section sa Joint Task Force Gensan sa background sa biktima.
Pag apply kuno kaniadto ni Danilo Alferes sa JTF nasangit ang nahisgutaan human malambigit sa robbery hold-up apan wala matud pay lig-on nga ebedinsya busa gidawat ug nahimong sundalo luyo nga padayon nila kining gipanid-an.
Gikadugang pa ni Fores nga ilang gipaladman ang pagkuha sa background ni Alferes ug didto nasuta nga ang nahisgutan ang gwardiya sa Golden State College dihang gisulod ug kawatan ang tulunghaan ug nakuha ang P300,000 cash luyo nga may P2M pa nga nakabutang lamang sa lamesa.
Kini na ang ika 39 nga shooting incident sa syudad basi sa data nga naa sa bag-ong labaw sa kapulisan ning syudad.
