-- ADVERTISEMENT --
Gihulagway ni Atty. Rey Cartojano, usa sa mga abogado sa ning syudad, isip major victory sa prosecution ang pag-apruba sa mga senator-judge sa mosyon alang sa subpoena sa BIR records ug uban pang assets ni Vice President Sara Duterte ug sa iyang bana nga si Atty. Manases Carpio.
Matud ni Cartojano, importante nga masuta pag-ayo ang maong mga dokumento tungod kay daghan pa og pangutana nga gikinahanglan og tubag kalabot sa maong isyu.
Gipasabot usab niya nga sa kasamtangang dagan sa impeachment trial, ang mga presiding officers mas nagpunting pa sa mga procedural issues aron masiguro nga hapsay ug subay sa hustong proseso ang pagpadayon sa kaso
