Gikatakda nga muatubang ang founder sa Kingdom of Jesus Christ Apollo Quiboloy sa duha ka managlahing arraignment karong Biyernes, Septiyembre 13.
Ang Pasig City Regional Trial Court (RTC) Branch 159 ug Quezon City RTC Branch 106 nipagawas og managlahing kamanduan nga nag-require sa Philippine National Police (PNP) nga dad-on si Quiboloy ug kaubang akusado sa korte sa samang oras ug sa samang adlaw.
Sa Pasig RTC, gipasakaan si Quiboloy og kasong qualified trafficking in persons o paglapas sa Republic Act (RA) 9208, nga nailhan nga Anti-Trafficking in Persons Act of 2003.Sa Quezon City RTC, nag-atubang siya og kasong child abuse o paglapas sa RA 7610 o Special Protection of Children Against Abuse, Exploitation and Discrimination Act.
Ang kaso ni Quiboloy sa QC RTC maoy naunang kaso nga gipasaka batok kaniya sa Davao City RTC apan gibalhin sa Korte Suprema nunot sa apela sa DOJ.
Kini ang unang higayon nga ang ‘Appointed son of God’ basahon ang sumbong sa duha ka separadong korte, human sa iyang bug-os nga paglutaw..
