Walay ahensiya sa gobyerno nga mupasalig sa paghatag ug garantiya nga dili itugyan sa Amerika kung maaresto ang wanted nga si pastor Apollo Quiboloy kini kung pangayuon ang extradition process.
Gibutyag ni Justice Undersecretary Raul Vasquez nga may obligasyon ang Pilipinas ilawom sa 1994 extradition treaty tali sa Amerika nga may katungod ang Washington nga muhangyo sa provisional arrest ni Quiboloy.
Sumala sa DOJ kaniadtong Marso nakadawat sila ug extradition requests gikan sa Estados Unidos nga dad-on si Quiboloy sa America aron atubangon ang mga kaso nga conspiracy to engage in sex trafficking by force, coercion, fraud, ug sex trafficking of children.
Sa pikas bahin, padayong gihingusgan sa legal team sa pastor pinangunahan ni Atty. Israelito Torreon nga katungod ni Kingdom of Jesus Christ (KOJC) founder Apollo Quiboloy nga dili magpakita bisan pa nga may warrant of arrest nga gipagawas ang korte batok kaniya.
