GENERAL SANTOS CITY – Able na usab ang Antonio C. Acharon Memorial Park kon kanhing Uhaw Public Cemetry.
Kini ang gibutyag sa Bombo Radyo ni Mary Ann Bacar, labaw sa City Housing and Land Management Office ug sa ACAMP.
Sumala pa nga laing 600 cells ang available ug pwedeng kalubngan sa mga mamatay nga residente ning siyudad.
Gilaumang mulungtad kini ug unom ka bulan, samtang pirmado na usab matud pa ni GenSan Mayor Ronnel Rivera ang P7 milyon nga appropriation alang sa padayong pagmugna ug dugang cells nga gilaumang muabot sa 800 ngadto sa 1,000 cells.
Apan dili matud pa nila mapasalig nga dili na subling magsirado ag naasoy’ng sementeryo, hilabi na kon dili magpang-abot ang nahisgutang appropriations, luyo nga plano usab nilang magpahigayon na ug exumation.
Samtang, nagpahimangno usab si Bacar batok sa mga gapaila nga fixers, nga nagtanyag ug P8,500 nga package, butang nga hugot niyang gikasuko gumikan gapanghimulos lamang sa mga kabus.
