GENERAL SANTOS CITY- Gihingusgan ni 1Lt Rezel Faye Sela, tigpamaba sa 1002nd Brigade, 10th Infantry Division Philippine Army nga angayang dili mahadlok og wala usay angayang kabalak-an ang mga katawhan karong pirmado na ni Presidente Rodrigo Duterte ang Anti-Terrorism Law.
Gibutyag niini nga angayang hulaton ang implementasyon sa maong balaud og dili unahan sa publiko nga dili kini makaayo og makalapas pa sa tawhanong katungod luyo nga gipaniguro nga sila sa 1002nd Brigade, suportado ang maong balaud.
Gipapha ni Sela ang kabalaka sa pipila nga mapareho sa martial law ang implementasyon sa Anti-Terrorism Law tungod adunay husgado o prosecutor nga mutan-aw niini ugaling may paglapas.
Hinuon gibutyag sa opisyal nga ang human security act ang angayang butangan og ngipon kun magpatuman og hugot nga balaud.
