Anhing IPMR Kag. Benjamin Talon, ihatod na sa iyang ulahing kapahulayan sa Sabado

GENERAL SANTOS CITY – Ihatod na sa iyang ulahing kapahulayan si anhing Kag. Benjamin Talon, ang Indigenous People’s Mandatory Representative kon IPMR ning dakbayan, sa adlaw’ng Sabado.

Matud sa anak niini nga si Faith Talon, buntag sa Sabado ilubong ang opisyal, sa Forest Lake Cemetery dinhi sa siyudad.

Apan una niini, ala-1:00 sa hapon sa Biyernes, magpahigayon ug necrological service alang kang Kag. Talon sa Sangguniang Panglungsod.

Kahinumduman nga nakabsan sa kinabuhi ang naasoy’ng opisyal sa balay-tambalanan gumikan sa sakit sa kasing-kasing, sa edad nga 62. Sa pagkakaron nakahaya una matud pa sa ilang panimalay ang patay’ng lawas sa naasoy’ng opisyal.