GENERAL SANTOS CITY – Gihingusgan ni Geraldine Zamora, labaw sa Business Permits and Licenses Division kon BPLD, nga dili iligal ang operasyon sa Angkas dinhi siyudad.
Kini human matud pa nila gi-revoke ang ilang business permit human nasuta nga lahi ang gibutang sa application sa business permit ug lain ang ginahimo sa ilang operasyon.
Matud pa ni Zamora nga kinahanglang dakpon gayud ang mga Angkas nga padayong ga-operate.
Gikabutyag nga ang gitugtan lamang sa sa Department of Transportation kon DOTR alang sa trial period nga unom ka bulan mao ang sa Kauluhan ug sa Cebu.
Hinungdan nga insulto matud pa alang sa BPLD ug sa lokal nga panggamhanan kon tugtan lang gihapon nga mag-operate ang Angkas bisan ug gi-revoke na ang ilang business permits.
Kahibaluan nga ang Angkas ang susama lamang sa habal-habal apan may app nga mahimong ma-contact aron mutawag ug rider aron maoy muhatod sa destinasyon.
