Gitubag ni Andi Eigenmann ang mga netizen nga nisaway sa “hugaw” nga panagway sa iyang mga anak nga sila si Lilo ug Koa human gi-post ang video sa mga bata nga nanguha og mga bulak paingon sa ilang preschool sa Siargao.
Matod ni Eigenmann sa iyang Instagram Stories, mas gusto niya ang iyang mga anak nga “messy from living fully” kaysa “clean from sitting still.”
Siya niinsistir nga ang mga kritiko kasagarang klase sa mga ginikanan nga pasagdan lang ang ilang mga anak nga magtutok sa gadgets tibuok adlaw ug mokaon og fast food.
Daghan usab nga mga kaubang ginikanan ug netizens ang miuyon ug misuporta sa panglantaw ni Andi sa comment section sa iyang post.
Kahinumdoman nga si Andi adunay tulo ka mga anak nga sila si Lilo ug Koa, nga mga anak niya sa pamanhonon nga si Philmar Alipayo, ug Ellie, nga anak nila ni Jake Ejercito.
