GENERAL SANTOS CITY – Pito ka bag-ong abogado nga taga dakbayan ang nakasulod sa bag-uhay nga 2017 bar exam.
Kini mao silang Atty Joana Acharon de Guzman anak ni 1st District Rep. Pedro Acharon Jr, Atty. Francis Noel Yaphucon, Atty. Rosanna Coloso Beceira, Atty Kay Aviles, Atty. Janet Jamerlan, Atty. Raul Anton Malifer ug Atty. Ronan Villa Gonzalo.
Nasuta nga nagtapos sa abogasiya si Acharon sa University of the Philippines samtang Ateneo de Davao usab si Yaphucon.
Samtang ang lima ka abogado nga taga Gensan ang pulos mga produkto sa Mindanao State University.
Una nang gibutyag ni Atty Joana Acharon nga dungog sa iyang pamilya nga mamahimong usa ka abogado luyo nga gihimo niini nga inspirasyon ang iyang pamilya.
Samtang alang kang Atty Yaphucon nga nahimo nga giya niini sa pagtuon ang pangandoy sa iyang mga ginikanan.
Mao usab ang nahimong asoy sa Top 3 nga si atty Rosana Romoroza sa interview sa Bombo Radyo nga nakahuman na ug Nursing human plano nag magtungha ug medisina apan gitambagan matud pa kini sa usa ka magtutudlo nga mukuha na lamang ug Law.
Pagsaysay pa niini nga nagtapos usab ug abogasiya ang amahan apan wala kini mag Bar exams.
