GENERAL SANTOS CITY – Gibulabog sa sunod sunod nga buto sa pusil kagabie ang hinanok nga pagtulog sa mga residente human ang natigayong shooting incident sa Carcon Village, Brgy Lagao, nitong lungsod.
Dihang gisuta ang insidente nakit-an sa mga nasampit ang lawas sa usa ka lalaki nga adunay igo sa pusil sa lawas nga gilayon usab nga na-identify nga anak sa kanhi sikat nga boksingero nga si Rolando Navarrete, 62 anyos.
Dead on arrival sa ospital ang biktima nga si Rolando Navarette II, 23 anyos nga residente sa nasampit nga lugar.
Nag-imbestiga pa ang kapulisan sa motibo sa krimen og ilhanan sa mga suspek nga matud pa motorsiklo ang gigamit nga getaway vehicle human ang panghitabo.
Base sa boxing record, ang kanhi Filipino boxer adunay katibuk-ang 74 fights kung asa 56 ang daug, 33 knockouts samtang 15 ang pildi.
Ang kanhi world champion gikonsiderang “Bad Boy from Dadiangas” human malambigit sa daghang kagubot og away sa syudad dihang mahuman ang iyang pagsikat sa boksing.
