Anak ni Anson Que gitudlong mastermind sa pagpatay sa amahan

Gibutyag sa nasikop nga suspek sa pagpatay sa negosyanteng Chinese national nga si Anson Que o Anson Tan ug driver niini nga ang nagpaluyo sa tanang krimen mao ang anak mismo sa negosyante.

Tungod niini girekomenda sa Philippine National Police Anti-Kidnapping Group (PNP – AKG) sa Department of Justice nga imbestigahan si Ronxian Gou o Alvin Que.

Base sa inisyal nga imbestigasyon nga nagsilbi ang 42-ayos nga si Alvin isip negotiator para sa pamilya samtang gihuptan sa kidnappers si Que.

Siya usab ang nagbayad ug inisyal nga P10-M nga ransom sa usa ka cryptocurrency account niadtong Marso 31 ug dugang nga P3-M sa parehas nga account kaniadtong Abril 2.

Kahinundoman nga si Tan ug driver niini ang nakit-ang patay kaniadtong Abril 9.