Amihan, posibleng musulod sa 2nd half sa Oktubre

Posibleng musulod ang hanging Amihan sa 2nd half sa Oktobre 2024.

Base sa pagbanabana sa weather agency sa Department of Science and Technology, mahimong magsugod ang transisyon tali sa Amihan og Habagat sa tunga tunga sa Oktubre hangtod sa unang semana sa Nobiyembre.

Sa kasamtangan naobserbahan na ang mas kusog nga paghangin sa northern Philippines dala sa pasulod nga Amihan.

Sumala sa ahensiya, pagsulod sa Hanging Amihan, mabatyagan na ang mas bugnaw nga temperatura sa dakong bahin sa nasud.

Samtang, gipaabot nga maporma na usab ang La Niña sa musunod nga bulan hangtod Disyembre.

Mahimong magpadayon kini hangtod sa unang quarter sa 2025.