ZAMBOANGA DEL NORTE– Gikumpirma sa United States Embassy sa Manila nga gidagit ang American content creator nga si Elliot Onil Eastman, didto sa Sitio Tungawan, Brgy. Poblacion, Sibuco, Zamboanga del Norte, niadtong Huwebes sa alas-11 sa gabii (Oktubre 17).
Sigon sa Police Regional Office kon PRO-9, upat matud pa ka mga armadong lalaki ang nagpakaaron ingnong mga law enforcement officers, ang pugsanong misulod sa iyang pinuy-anan.
Nagdumili pag-uban si Eastman apan gipusil siya sa iyang paa ug daling gikarga sa bangka nga anaa naghulat daplin sa dagat.
Sigon ni Brigadier General Bowenn Joey Masauding, Police Regional Office-9 director, si Eastman nga taga-Hinesborg, Vermont, gituohang gidagit sa mga miyembro sa Abu Sayyaf.
Apil sa mga content creations ni Eastman ang inadlaw-adlaw nga pagpakabuhi sa Zamboanga del Norte, ug uban pa.
Ang nasampit adunay 3.4K ka mga followers sa Facebook, kon diin iyang gihulagway ang iyang kaugalingon nga usa ka photographer ug aduna usab kini 1,024 ka mga subscribers sa YouTube.
Naglusad na ang kapulisan og hot pursuit operation batuk sa mga suspetsado ug mas gipalawman pa ang ilang imbesigasyon sa maong insidente.
Nasayran nag kasado si Eastman ngadto sa usa ka babaye sa lungsod sa Sibuco.
