GENERAL SANTOS CITY – Gikatakdang panganlan ni Sen. Manny Pacquiao sa mga musunod nga adlaw ang lain pang usa nga mamahimong bag-ong miyembro sa Team Pacquiao, nga makauban niya sa nagpadayong training camp.
Alayon kini sa umaabot nga away nila ni Lucas Matthysse sa Hulyo 15, sa Axiata Arena sa Kuala Lumpur, Malaysia.
Kini human nga nalakip na usab sa ilang all-Filipino nga line up si Nonito “Dodong” Donaire Sr., ang amahan ug kanhing trainer sa Fil-Am boxer nga si Nonito “The Filipino Flash” Donaire Jr.
Ang edaran nga Donaire ang usa na karon sa mga assistant ni Head Coach Buboy Fernandez, kung asa makatabang niya kini sa pagmugna sa mamahimong tactical plans nga gamiton kang Matthysse.
Gikabutyag nga ang lain pang usa nga madugang sa Team Pacquiao ang mubarog isip usa sa conditioning coaches ni Pacquiao, katambayayong si Coach Nonoy Neri.
