GENERAL SANTOS CITY – Nagbungutan ang pamilya human nga nakit-an nga nagbitay nga walay kinabuhi sa sanga sa madre de cacao ang usa ka amahan gumikan sa depresyon.
Matud pa ni Lt. Col. Edgar Yago, chief of police sa Malungon PNP nga nakadawat sila og report nga may residente sa Lutay, Malungon, Sarangani Province ang nakit-an nga naghikog.
Ang biktima nailhan nga si Joven Dandan nga residente sa Sitio Tambudlot, Lutay, Malungon, Sarangani.
Gibutyag ni Yago nga ilang naabtan nga gikanaug na sa yuta nga bahin ang patay nga lawas sa biktima nga paningkamutan pa nga luwason sa mga silingan apan wala nagmalampuson.
Gikadugang sa opisyal nga iyang na estorya ang asawa sa biktima nga na- depress ang biktima tungod sa nasinati-an nga coronavirus pandemic human pakyas nga makaadto sa Gensan tungod didto gatrabaho.
Nananghid ng bana sa asawa nga mangahoy sa ilang umahan apan wala na mubalik ug nakit-an na lamang nga patay na.
Gipaklaro sa opisyal nga walay foul play ang nahitabo sa biktima.
