Gikumpirma ni Philippine National Police (PNP) Chief PGen. Nicolas Torre III nga anaa ilawom sa ilang protective custody ang nagpailang whistleblower kalabot sa missing sabungeros nga si Julie “Totoy” Patidongan.
Dugang pa ni Torre, dugay ng nakig-alayon sa kapulisan si alyas Totoy aron maghatag og impormasyon kabahin sa missing sabungeros.
Sa pamahayag ni Gen. Torre nga si Alyas Totoy ang nag-apply para sa witness protection program.
Gibutyag ni Gen. Torre nga kung nag-qualify si Alyas Totoy, i-turn over siya sa PNP sa DOJ.
Kahibaloan nga si Alyas Totoy ang nagtudlo sa gambler operator og negosyante nga si Atong Ang nga maoy nagsugo sa pagpatay sa mga missing sabungero og paglabay niini sa Taal Lake.
Gilambigit usab sa nasampit sa kaso ang pangalan sa aktres nga si Gretchen Barreto.
