Nagpahigayon ug executive session ang Senate committee on women, children, family relations, and gender equality kauban si dismissed Bamban, Tarlac Mayor Alice Guo aron ipagawas ang mga detalye sa mga pangutana nga wala niini tubaga sa publiko.
Gisogyot ni Senator JV Ejercito nga magpahigayon ug closed door session kauban si Guo nga giaprubahan sa komite.
Gipahigayon sa Senate panel ang executive session sa buhatan ni Majority Leader Francis Tolentino.
Matud ni Ejercito nga gibarugan ni Guo nga dili siya ang “mastermind” sa POGO operations sa Bamban, Tarlac human gihulagway nga siya usa ka biktima.
Gani andam matud pa nga panganlan ang giingong mastermind.
Kahinumduman nga wala tagda ni Hontiveros ang hangyo nga executive session human nagmagahi sa pagtubag sa mga pangutana.
Lakip sa hangyo ni Guo nga ikuyog ang duha niini ka abogado pinaagi sa virtual ug ipadayon hangtud makaabut sa venue.
