-- ADVERTISEMENT --
Gipaubos sa booking procedures si Bamban, Tarlac Mayor Alice Guo o Guo Hua Ping, nunot sa iyang pagkasikop sa Pasig City Regional Trial Court (RTC) sa kasong human trafficking.
Sama sa miaging booking, gikuhaan na usab siya og mugshots, finger prints ug gipaagi sa medical checkup.
Kahinumduman nga gimando usab sa Pasig Court nga ibalhin si Guo sa Pasig City Jail Female Dormitory kagahapon apan wala makompleto ang mga dokumento.
Tungod niini posibling karong Lunes ibalhin siya sa nahisgutang jail facility nga gihuptan sa Bureau of Jail Management and Penology (BJMP).
Una, gipasalig sa BJMP nga walay espesyal nga pagtagad nga ihatag kang Guo tungod kay ang tanang tawo nga gihikawan sa kagawasan managsama ang pagtagad sa ilang mga pasilidad.
-- ADVERTISEMENT --
