Giisip nila Alex Gonzaga ug Mikee Morada nga usa ka ‘answered prayer’ ang pag-abot sa ilang unang anak nga lalaki, nga ilang ginganlan og Isaac Gerard G. Morada.
Sa Instagram, gipaambit ni Alex ang pipila ka hulagway nilang magtiayon uban ang ilang baby.
Matud ni Alex, eksaktong usa ka bulan na sukad nga ilang unang nahimamat ang ilang anak nga lalaki.
Nagpasalamat usab ang aktres ug content creator kang Jesus alang sa malampusong cesarean section o CS delivery ug sa paghatag kanila sa ilang gipangandoy nga anak.
Nagpakasal sila Alex ug Mikee niadtong 2021. Niadtong Mayo, ilang gipahibalo nga mabdos pag-usab ni Alex human makasinati og tulo ka ‘miscarriage’.
Sa usa sa iyang mga vlog, gikumpirma ni Alex nga nanganak siya niadtong Agosto. Niadtong miaging semana lamang usab niya unang gipaambit sa iyang mga followers ang nawong sa ilang baby.
