Human sa kadaugan ni Pinay tennis sensation Alex Eala sa US Open batok kang Mary Stoiana sa USA, migawas ang bag-ong report sa Forbes nga nag-ingon nga posible nga mahimong usa si Eala sa mga pinakataas og kita nga babayeng atleta sa kalibotan sa umaabot.
Sumala sa report, nakakwarta na si Eala og kapin sa $5 million gikan sa mga endorsement ug uban pang kita gawas sa court.
Gilauman usab nga mosaka pa kini samtang nagkadako ang iyang kasikat sa international tennis.
Aduna pay usa ka tennis executive nga nagtagna nga sa 2027, mahimo siyang ikaduhang pinakataas og kita nga babayeng atleta sa kalibotan, sunod kang Coco Gauff.
Tungod sa kadaugan kay Stoiana, nakasulod na si Eala sa second round sa US Open kun sa diin maatubang usab niini si Oleksandra Oliynykova sa Ukraine.
Mahimong dako usab inga hagit ang second round alang kang Eala tungod kung madaog siya, una nga higayon niini nga makaabot sa third round sa US Open.
