Alex Eala pakyas nga makasulod sa semis sa Dubai Open

Wala nakalusot ang Filipina tennis star nga si Alex Eala batok sa world number 4 nga si Coco Gauff sa quarterfinals sa Dubai Open Championships.

Nidaog ang Amerikanong tennis star sa score nga 6-0, 6-2 aron tapuson ang kampanya ni Eala sa nahisgutang torneyo.

Sukad pa lang sa pagsugod sa dula, gidominar na sa Amerikanong tennis star ang dula, nahuman ang unang set sulod sa wala pay 30 minutos.

Ang Dubai Tennis Championships mao ang ikaunom nga torneyo ni Eala karong tuiga.

Human sa Dubai tennis, moadto si Eala sa US aron moapil sa Wells Open o BNP Paribas Open sa California nga magsugod sa Marso 4 hangtod 15.

Moduwa usab siya pag-usab sa MiamiOpen nga magsugod sa Marso 17 hangtod 29.