-- ADVERTISEMENT --
Misulod sa final sa Mubadala DC Open ang Filipina tennis star nga si Alex Eala human niyang gipildi ang kanhi World No. 1 ug upat ka higayon nga Grand Slam champion nga si Naomi Osaka sa iskor nga 6-4, 6-2.
Sulod sa usa ka oras ug 16 minutos, gipakita ni Eala ang iyang impresibong duwa aron makaabot sa iyang unang WTA 500 final ug ikaduhang WTA final sa iyang propesyonal nga karera. Sa maong kadaugan, gilauman usab nga mosaka siya sa career-high nga World No. 24 sa WTA rankings.
Sa finals makig-atbang siya sa World No. 4 ug top seed nga si Jessica Pegula, nga mipildi kang Diana Shnaider sa laing semifinal. Usa na lang ka kadaugan ang gikinahanglan ni Eala aron makuha ang labing dako nga titulo sa iyang karera.
