Alex Eala miabante sa round of 16 human gipildi si Priscilla Hon sa Birmingham Open

Napadali ang pagsulod sa Filipina tennis star nga si Alex Eala ngadto sa Round of 16 sa WTA 125 Birmingham Open didto sa Great Britain human niya gipildi si Priscilla Hon sa Australia, 6-0, 6-2, karong adlawa, Hunyo 2, 2026.

Dominante kaayo ang dula sa Pinay tennis sensation tungod kay nahuman lang kini sulod sa 59 minutos diin wala gyud niya pakan-a og set ang iyang kaatbang.

Tungod niini, sunod nga makatigi ni Eala mao si Alina Charaeva sa Russia alang sa round of 16.

Kini nga dula gikatakda nga mahitabo June 3, 2026, sa alas 5:30 sa hapon oras sa Pilipinas.

Gilauman sa mga fans nga magpadayon ang nindot nga performance sa garbo sa Pilipinas aron makuha ang kampyonato.