Miabante na sa semifinals sa women’s singles tennis si Pinay tennis star ug World No. 18 nga si Alex Eala human pildihon ang pambato sa Chinese Taipei nga si Joanna Garland, 7-5, 6-0, sa 2026 Asian Games.
Nahimong dikit ang ilang panagsangka sa unang set human magbinaloay og puntos ang duha ka magdudula. Nakalamang pa si Garland sa 5-4 ug nakabaton og higayon nga makuha ang opening set.
Wala usab nagpalupig si Eala ug mipakusog sa iyang dula aron matabla ang set, sa wala pa niya makuha ang unang set sa iskor nga 7-5.
Sa ikaduhang set, hingpit nang gikontrol ni Eala ang dula samtang iyang nadala ang momentum ug nalisdan si Garland sa pagkuha og puntos, ilabina sa mga breakpoint.
Wala na makakuha og bisan usa ka game si Garland sa second set human dominahon ni Eala ang dula ug naselyohan ang set sa iskor nga 6-0.
Pinaagi niini, nakumpleto ni Eala ang iyang straight-sets victory ug nakasulod sa semifinals sa women’s singles tennis sa 2026 Asian Games.
