Panibag-ong dakong hagit ang atubangon ni Alex Eala human sa iyang pag-abante sa third round sa Cincinnati Open, diin iyang makaatbangon ang world No. 10 nga si Amanda Anisimova sa Estados Unidos.
Misulod si Eala sa Round of 32 human manguna og 6-1, 3-0 batok kang Romanian Elena-Gabriela Ruse, sa wala pa kini miretiro tungod sa injury sa iyang tuo nga tiil.
Samtang, diretso usab nga miabante si Anisimova human pildihon si Zeynep Sonmez, 6-2, 6-3.
Kini ang unang higayon nga mag-atbang sa ilang career sila Eala ug Anisimova.
Masulayan dinhi ang maayong momentum ni Eala human niya makuha ang iyang unang WTA Tour title sa DC Open ug makapakita og lig-on nga kampanya sa North American hard-court swing.
Ang ilang duwa gikatakdang ipahigayon sa Lunes sa gabii, Agosto 17, oras sa Pilipinas, sa Mason, Ohio.
