Makigsangka ang Pinay tennis sensation nga si Alex Eala kang Jessica Pegula sa US sa semifinals sa Miami Open. Gipildi sa 31-anyos nga American tennis player si Emma Raducanu sa Britain sa ilang duwa sa quarterfinals 6-4, 6-7(3), 6-2 aron moabante sa semifinals.
Gumikan niini, si Eala, kinsa anaa sa ranking number 140, makasagubang og dakong hagit karong adlawa batok kang Pegula, kinsa maoy world number 4. Si Pegula adunay pito ka WTA titles nga nakaabot sa world number 3 sa rankings ug world number 1 sa doubles.
Usa usab siya ka finalist sa 2024 US Open diin nakadaog siya og upat sa iyang 10 ka career matchups kauban si Iga Swiatek.
Kahinumduman nga gipildi ni Eala ang Swiatek sa Poland sa quarterfinals sayo sa buntag niadtong Huwebes. Mag-atbang sila si Eala ug Pegula karong adalawa alas 8:30 sa buntag.
