Alex Eala gipildi si Vekic, nakasulod na sa Round-of-16 sa Berlin Tennis Open

Nakadaog ang Filipina tennis star nga si Alex Eala batok kang Donna Vekic sa WTA 500 Berlin Tennis Open ug misulod sa round-of-16 sa maong torneyo.

Gipildi ni Eala ang Croatian nga si Vekic pinaagi sa iskor nga 7-5, 6-4 sa duwa nga gihimo sa Steffi Graf Center Court.

Bisan pa og kusog ang momentum ni Vekic human siya mahimong kampeon sa Queen’s Club tournament sa London, napakita ni Eala ang iyang kahusayan ug nakontrol ang importanteng bahin sa duha ka sets.

Si Eala, nga karon naa sa ika-35 nga ranggo sa kalibotan, nakapakita og kusog nga mga tira ug nakapuntos og daghang winners ug aces aron makuha ang kadaugan.

Sunod niyang atubangon ang No. 2 seed nga si Elena Rybakina nga adunay bye sa unang round sa kompetisyon.