Naghimo og laing makasaysayanong kadaugan ang Filipina tennis star nga si Alex Eala human niyang mapildi ang World No. 2 nga si Elena Rybakina sa iskor nga 7-5 ug 6-4 sa Round of 16 sa Berlin Tennis Open
Pinaagi sa maong impresibong kadaugan, nakaabante si Eala sa quarterfinals sa torneo, usa na usab ka dakong kalampusan alang sa 21-anyos nga Pinay tennis sensation nga padayon nga nagpasundayag sa iyang talento sa internasyonal nga entablado.
Gipakita ni Eala ang lig-on nga depensa ug epektibong opensiba batok sa usa sa labing kusgan nga mga magdudula sa kalibutan aron makuha ang importante nga kadaugan.
Sunod nga atubangon ni Eala sa quarterfinals si Elina Svitolina, diin magpadayon siya sa iyang kampanya aron makasulod sa semifinals sa prestihiyosong torneo.
Ang pagdaog ni Eala batok kang Rybakina gikonsiderar nga usa sa labing dakong upset sa maong torneyo ug usa na usab ka garbo alang sa Pilipinas sa kalibutan sa tennis.
