-- ADVERTISEMENT --
Atubangon ni Filipina tennis star Alex Eala ang mas lisod nga hagit sa Round of 16 sa National Bank Open sa Toronto, Canada.
Makigsangka si Eala batok sa Swiss tennis ace ug Tokyo Olympics gold medalist nga si Belinda Bencic alas-8:10 sa buntag ugma, alang sa puwesto sa quarterfinals.
Nakaabante si Eala sa Round of 16 human niya pildihon si Caty McNally sa Round of 32.
Samtang, nakauswag usab si Bencic human niya malampasan si Taylor Townsend sa Canada.
Si Bencic, nga kasamtangang world No. 14, giisip usab nga protege sa iyang kababayang tennis legend nga si Martina Hingis.
-- ADVERTISEMENT --
Kini ang unang higayon nga mag-atbangay sa kompetisyon si Eala ug Bencic.
