Andam na ang Filipina tennis sensation nga si Alex Eala alang sa iyang sunod nga kampanya sa prestihiyosong Wimbledon diin iyang atubangon ang Mexican tennis player nga si Renata Zarazua karong Martes, Hunyo 30. Ang ilang duwa mao ang ikatulong iskedyul sa Court 12, diin ang unang duwa magsugod alas 11:00 sa buntag oras sa United Kingdom o alas 6:00 sa gabii sa Pilipinas.
Dako ang pagsalig sa mga Pilipinong fans nga makahatag og maayong performance si Eala, ilabina human sa iyang impresibong mga resulta sa mga miaging internasyonal nga torneyo. Naglaom usab ang daghang sumusunod nga mapadayon niya ang iyang pagsaka sa world rankings pinaagi sa maayong resulta sa Wimbledon, usa sa upat ka Grand Slam tournaments sa tennis.
Sa pagkakaron, padayon ang pagpangandam ni Eala ug sa iyang coaching team aron masiguro nga anaa siya sa pinakamaayong kondisyon sa pagsulod sa usa na usab ka dakong hagit sa iyang propesyonal nga karera.
