-- ADVERTISEMENT --
Gipakita sa Pinay tennis star nga si Alexandra “Alex” Eala ang iyang kusog sa opening round sa Linz Open sa Austria human niya gipildi si Julia Grabher sa straight sets nga 6-4, 6-3 .
Tungod sa maong kadaugan, miabante si Eala ngadto sa round of 16 sa torneyo ug nagpadayon sa iyang kampanya sa WTA event.
Sa sunod nga hugna, mag-atubang siya sa usa sa mga paborito sa torneyo nga si Jelena Ostapenko, nga kasamtangang World No. 23 ug usa ka Grand Slam champion gikan sa Latvia.
Ang maong duwa gilauman nga lisod alang kang Eala, apan naghatag usab kini og dakong oportunidad aron mapakita niya ang iyang abilidad kontra sa elite nga players sa kalibutan.
