Albie Casiño, gipakita ang iyang anak sa publiko sa unang higayon

Gipakuratan sa actor nga si Albie Casiño, ang iyang mga fans sa dihang gi-anunsyo niini nga usa na kini ka amahan.

Sa miaging gabii, Hunyo 11, 2024, gipaambit ni Albie ang usa ka video sa iyang pag-abot sa San Francisco International Airport diin malipayon siyang gisugat sa iyang non-showbiz girlfriend bitbit ang ilang anak.

Ingon man nga dili matago ang kalipay ug hinam-hinam niini sa dihang gihagkan niya ang iyang girlfriend nga si Michelina nga karga ang ilang baby boy nga gihinganlan nila nga Roman Andrew.

Kini ang unang higayon nga nakita sa personal ni Albie ang iyang anak nga natawo sa Amerika.

Apan wala’y gipaambit nga detalye si Albie kung kanus-a natawo ang bata.