SARANGANI – Malampusong nasikop sa Kapulisan sa Malapatan Municipal Police Station ang akusadong si Calixto Maladian, 65 anyos, minyo Mag-uuma ug residente sa Sitio Blisong, Brgy Poblacion, Malapatan, Sarangani Province.
Pinaagi sa pag served ug warrant of arrest sa kasong Robbery with Arson nga giisyu ni Honorable Judge Oscar P Noel Jr sa RTC 12th Judicial Region Branch 38 kaniadtong Enero 5, 2003 nga walay piyansa nga girekomendar.
Kahibaluan nga alas 12:30 kagahapon, Mayo 6, 2023 sa Brgy. Poblacion, Malapatan, Sarangani Province. Ang RID 12 Tracker Team Alpha nakig-coordinate sa Malapatan MPS para magpahigayon ug inspeksyon sa Vital Installations Samtang nagpahigayon og Security Survey Inspection (SSI), nabantayan sa grupo ang presensya ni Calixto Maladian, mao ang akusado nga adunay standing warrant of arrest.
Ang dinakpan nga suspek ang gipahibalo bahin sa kinaiya sa pagdakop ug gipahibalo usab sa iyang constitutional rights sa diyalekto nga hingpit nga masabtan.
Sa karun ang dinakpan ang kasamtangang anaa sa Malapatan MPS para sa dokumentasyon ug saktong disposisyon.
