GENERAL SANTOS CITY – Gipasidunggan ni PBGen. Arnold Ardiente, regional director sa Police Regional Office 12, ang tanang operatiba nga nalambigit sa operasyon nga miresulta sa pagkadakop sa usa ka Most Wanted Person – Regional Level nga gipahigayon sa dakbayan sa Heneral Santos.
Ang suspetsado nga giila sa alyas nga “Bukay”, 72 anyos ug residente sa dakbayan, gidakop pinagi sa warrant of arrest tungod sa duha ka kasong qualified rape.
Human madakpan, gipadala dayon ang akusado sa Police Station 4 alang sa hustong dokumentasyon ug disposisyon.
Sa pamahaya ni Gen. Ardiente nga ang pagkadakop sa akusado ang usa ka klarong ebidensya sa tinud-anay nga paningkamot sa paghatud og hustisya ug pagsiguro nga ang mga kriminal ang mahatagan sa hustong silot.
