GENERAL ASNTOS CITY – Giabisuhan sa Sangguniang Panlungsod ang buhatan sa traffic management lakip ang Public Safety Office ug Traffic Enforcement Unit sa kapulisan nga pakusgan ang kampanya sa road safety kini human ang mangilngig nga disgrasya nga gikalambigitan sa usa ka elf truck ug traysikol nga gikamatay sa unom ka tawo ug pagkasamad sa lain pang upat ka biktima.
Matud sa Sanggunian Panlungsod nga makaalarma ang nahitabo tungod halos nga kabataan ang nabiktima apil ang traysikol driver ug anak niini.
Ang nagkataas nga ihap sa disgrasya sa dakbayan ang angayan matud pa nga mapugngan.
Sa resolosyon, giduso ang pagpatuman ug dugang road safety measures ug komprehensibu nga edukasyon sa mga drayber aron kapugngan ang aksidente sa kadalanan.
Gumikan niini takda nga muatubang sa sesyon sa Konseho ang labaw sa Traffic Enforcement Unit lakip na ang tigdumnala sa Publiuc Safety Office nga si Atty. Jong Gonzales.
