Gipili sa Washington Wizards si AJ Dybantsa isip unang overall pick sa 2026 NBA Draft niadtong Martes (Miyerkoles sa Pilipinas).
Si Dybantsa, usa ka 6-foot-8 nga forward gikan sa BYU Cougars men’s basketball, nanguna sa NCAA Division I sa scoring niaging season human makapuntos og average nga 25.5 puntos matag dula.
Gipaabot nga makatabang siya sa Wizards nga makabangon human sa lisod nga season diin nagtapos sila og 17-65 nga rekord ug napakyas makasulod sa playoffs. Samtang si Darryn Peterson nga usa sa mga gilauman nga mahimong No. 1 pick, napili sa ikaduhang ranggo sa Utah Jazz.
Gikuha usab sa Memphis Grizzlies si Cameron Boozer sa No. 3 pick. Si Boozer mao ang nakadaog sa National Player of the Year award sa college basketball.
Sa ubang top picks, napili si Caleb Wilson sa ika-upat sa Chicago Bulls, samtang ang Los Angeles Clippers mipili kang Keaton Wagler sa ikalimang pwesto.
Ang Brooklyn Nets mikuha kang Mikel Brown Jr. sa ikaunom, si Darius Acuff Jr. naadto sa Sacramento Kings isip No. 7 pick, ug si Kingston Flemings napili sa ika-walo sa Atlanta Hawks.
