Aduna ka bay plano nga mobiyahe sa Hunyo?
Gipaabot nga mous-os ang plitehan sunod buwan nunot sa pag-anunsyo sa Civil Aeronautics Board (CAB) nga ang fuel surcharge level sa domestic ug international flights makunhuran.
Sa advisory sa CAB, gipahayag nga ang surcharge sa pasahero ug kargamento gitakda sa Level 3 alang sa mga biyahe dinhi sa Pilipinas ug paingon sa gawas sa nasud.
Ibaligya kini gikan sa Hunyo 1-30, 2025 sa presyo nga mas ubos kaysa karon nga Level 4.
Ubos sa Level 3, ang mga pasahero sa domestic flights pabayron og P80 ngadto sa P300, ug P273.36 ngadto sa P2,032.54 alang sa flights nga gikan sa Pilipinas ug paingon sa ubang kanasuran.
Timan-i nga ang fuel surcharge usa ka opsyonal nga bayronon, dugang sa base nga plete, nga ipasa sa mga airline ngadto sa mga pasahero aron mabayran ang gasto nga nahiaguman sa pagkausab sa jet fuel.
Kining paglihok sa presyo sa jet fuel mao sab ang rason nganong nihimo og adjustments ang CAB sa fuel surcharges.
Base sa pahibalo sa CAB, ang mga airlines nga gustong mangolekta og fuel surcharge para sa Hunyo kinahanglang mo-file og aplikasyon sa dili pa o human sa epektibong panahon nga gisaad sa advisory.
