Giaprobahan sa House of Representatives ang balaudnon nga magpatuman sa Assistance to Individuals in Crisis Situations (AICS) program sa Department of Social Welfare and Development (DSWD).
Walay misupak sa pagpalabang sa House Bill 11395, nga gilangkoban sa 11 ka balaudnon.
Nakadawat kini og 176 ka boto.
Matod ni Speaker Ferdinand Martin Romualdez, ang AICS napamatud-an nga epektibong paagi sa pagtabang dili lang sa mga kabus kon dili lakip na sa mga nanginahanglan sama niadtong kalit nga nawad-an og trabaho.
Ubos sa balaodnon, ang AICS gamiton sa pagtabang sa mga indibidwal o pamilya nga kabus, stateless persons, repatriates, deportees, transients, vulnerable, disadvantaged, o internally displaced persons o anaa sa crisis situation base sa assessment sa DSWD social workers.
Ang balaudnon nagmando usab sa DSWD nga adunay Integrated Program Delivery System aron masiguro nga ang AICS ma-maximize sa tabang sa DSWD ug local government data.
Ang mga indibiduwal o organisasyon nga nag-abuso, nanglimbong, o nangayo ug porsyento sa mga benepisyo nga gihatag sa AICS ipailalom sa unom ka bulan nga pagkabilanggo ug dugang administratibong tulubagon kon sila mga empleyado sa gobyerno.
