Samtang nagkaduol ang engrande nga koronasyon sa Miss Universe 2025, si Ahtisa Manalo nipagawas og eksplosibong headshot nga nagpakita sa iyang katahom ug pagsalig.
Sa hulagway nga gipagawas sa organisasyon sa Miss Universe Philippines kagahapong adlawa makita ang simple apan elegante nga hitsura ni Ahtisa — nagsul-ob og peach tube nga top nga may accented nga peach-toned nga makeup, nga maoy nakapasamot sa iyang natural nga katahom.
Ang iyang hulagway nakaani dayong pagdayeg sa mga netizen ug kaubang beauty queen.
Lakip sa mikomento mao sila si Winwyn Marquez ug Graciella Lehmann, kinsa parehong nakadayeg sa iyang presko nga hitsura.
Tinguha ni Ahtisa nga maangkon ang ikalima nga korona sa Miss Universe sa Pilipinas, nga katapusang nadaog sa nasod niadtong 2018 pinaagi ni Catriona Gray.
Ang coronation night sa 74th Miss Universe pageant ipahigayon karong Nobiyembre 21 sa Thailand.
