GENERAL SANTOS CITY – Giawhag ni Kagawad Jeng Gacal ang mga agent, coordinators, authorized representative para sa investment schemes og uban pa nga nalambigit sa maong gimbuhaton nga makig-alayon sa mga investors aron nga magpasaka og kaso batuk sa mga nagpaluyo sa investment scams.
Tambag ni Kag. Gacal, angayang mu-una sa pagpasaka og kaso kaysa sa maoy makasuhan ug syndicated estafa kung asa walay girekomendang piyansa.
Sa pamahayag sa nasampit pait ang sitwasyon kung anaa sa bilangguan sulod sa lima ka tuig.
Gatuo ang konsehal nga mudaghan ra ang maaghat nga magpasaka og kaso.
Matud pa niini nga na-schock gihapon gihapon siya tungod wala kaayoy nagpasaka ug kaso gikan sa hilabihan kadaghang nabiktima gawas pa nga multi billion ang involve nga salapi.
Ang pinakamaayo matud pang himuon sa mga nabiktimang investors nga muduol og abogado aron matabangan sa pagpasaka og kaso hangtod nga wala pa makasibat ang mga nagpaluyo sa mga investment scam.
Kahibaluan nga gikasubo sa mga konsehal nga wala gayuy miadto sa mga giimbitahan dihang gipatawag sa hearing sa konseho kalabot sa investment scams sa syduad.
