GENERAL SANTOS CITY- Gi-indorso sa Makar Police station ngadto sa barangay ang reklamo sa duha ka lalaki batok sa usa ka AFP personnel og ang igsuon niini human matud pa sila gikulata sa walay igong rason.
Kini human nga midangop sa presinto ang mga reklamante nga silang Gerald Saturgo, 20 anyos, usa ka laborer og Jesus Manhihilot Jr. 27 anyos , residente sa Prk. Mauswagon Brgy Labangal.
Basi sa blotter report sa mga nasampit, samtang ang mga biktima naa sa basketball court sa naasoyng ng lugar, kalit matud pa silang giduolan ni Paquito Corpuz.
Sa alegasyon sa mga reklamante nga nibunot sa wala matino nga armas ang igsuon niining si PFC. Noel Corpuz.
Ang nasampit nga AFP personnel matud pa ang na-assign sa Joint Task Force GenSan.
Human nga natala sa Makar Police station, gimaymayan sa kapulisan ang mga reklamante nga iindorso ang ilang reklamo sa barangay level human nga natigayon ang insidente sa Labangal.
