Nanawagan si AFP Chief of Staff General Romeo Brawner sa publiko nga dili magpanic human sa matud pa planong pagpalupad ug hypersonic missile sa China sa 25 nga lugar sa nasud.
Matud ni General Brawner, sa karon wala silay nadawat nga report kabahin sa gipagawas nga pahayag ni Senator Imee Marcos.
Sa iyang pamahayag, nagtinabangay ang AFP ug bisan ang security sector aron matagaan ug pagtagad ang maong isyu.
Dugang ni Brawner nga anaa sa proseso pa ang Armed Forces of the Philippines (AFP) sa pagberepika sa report nga adunay 25 ka lugar sa nasud nga target sa hypersonic missile sa China.
Sa karon nakig-alayon ang AFP sa buhatan ni Sen. Marcos aron makakuha pa ug mga impormasyon kabahin niini.
Una ng gibutyag sa AFP nga wala nila gibalewala ang maong report, gani andam ang militar nga panalipdan ang teritoryo ug ang nasud.
Gihingusgan ni Brawner nga ang ilang mahimong lakang sa matud pa missile attack nakadepende sa unsa mang klase nga impormasyon ang ilang nakuha.
