General Santos City | Hugot karon nga gitutukan sa administrasyon ni City Mayor Lorelie Pacquaio ang problema may kalabutan sa sektor sa transportasyon dinhi sa dakbayan. Matud pa ni Mayor Pacquaio nga angayang maplastar ang mga ruta sa mga pampubliko nga sakyanan aron dili mawad-an ug panginabuhian ang mga drivers.
Gihingusgan pa niini nga kinahanglang maundang gayud ang mahal nga pagpaningil ug pamasahe sa pipila ka mga tricycle drivers. Gibutyag usab sa Mayor nga gikatakda nga magpulong ang mga opisyal sa dakbayan aron hisgutan ang pagpagawas sa taripa sa tricycle nga anaa na sa P18 ang minimum nga pletihan.
Kahibaluan nga dugay na nga problema dinhi sa dakbayan ang kalabutan sa sektor sa transportasyon kung asa pipila na ka mga administrasyon ang niagi apan walay kasulbaran hangtod sa pagkakaron.
