-- ADVERTISEMENT --
Nilupad na si Davao City acting Mayor Baste Duterte paingon sa Singapore pipila ka adlaw sa wala pa ang iyang gikatakdang charity boxing match batok ni PNP chief Gen. Nicolas Torre III.
Base sa impormasyon sa National Bureau of Investigation (NBI), nibiya sa Davao International Airport ang bise mayor ug nipaingon sa Singapore kagahapon, Biyernes sa buntag.
Ang maong pamahayag gikompirma usab sa Bureau of Immigration (BI).
Kahinumduman nga gidawat ni PNP chief ang hagit ni Duterte nga usa ka boxing match, apan nakahukom si Torre nga himuon kini nga charity boxing match aron ang kita niini maadto sa mga naapektuhan sa bagyo ug habagat.
