GENERAL SANTOS CITY – Karon pa lamang mahimo ng makabisita ang mga tawo sa sam-ang apil sa pinakadakong sementeryo sa dakbayan sa Heneral Santos.
MAtud ni Engr. Ronald Nuñeza , ang labaw sa City Housing and Land Management Office, ang ilang buhatan ang maoy magtutok sa ACAMP nga nahimutang sa Barangay Fatima kung asa abli kini hangtod sa Nobyembredos2.
Gibutyag niini, gitugotan nga magparada og sakyanan sulod sa ACAMP samtang ang mga vendors ang pwede usab nga magbaligya sa sulod.
Tungod 24 oras nga abli ang sam-ang, tugotan ang pagtulog sa lugar basta magsunod lamang sa mga patakaran.
Gibawalan ang pag-inom-inom og ilimnong makahubog sulod sa sementeryo, pagdala og flammable materials, armas, mga mahait nga hinagiban, videoke machine, baraha og uban pang playing cards.
Sa pamahayag ni Engr. Nuñeza, aduna silay mga personahe nga mu-assist ugaling malisdan sa pagngita sa lubong sa ilang kabanay.
