GENERAL SANTOS CITY – Naghatag og reaksyon ang Diocesan priest nga si Father Raul Vale human nga nakalusot na sa House committee on population and family relations ang consolidated nga Absolute Divorce and Dissolution of Marriage Bill.
Matud pa ni Fr. Vale, alang kaniya ug sa baruganan sa simbahan nga wala giila ang Absolute Divorce tungod sa kaminyuon, adunay gitawag nga ‘basic element of Indissolubility” kon dili ma-dissolve.
Giklaro nga wala naghatag ug pagtugot ang simbahan sa maong sugyot.
Apan tungod giduso sa gobyerno ang maong sugyot, nanghinaut lamang nga dili maghatag ug mantsa og makadaut sa gitawag nga sakramento sa kaminyuon.
Gihingusgan niinin nga sagrado ang kaminyuon.
Kagahapon, lusot na sa House committee on population and family relations ang consolidated na Absolute Divorce and Dissolution of Marriage Bill.
Unanimous ang boto sa mga miyembro sa komite sa upat ka managbulag nga sugyot sa mga magbabalaud.
Grounds niini ang mga nakalatid ilawom sa kasamtangang balaud alang asa legal separation og annulment lakip na ang pagpamun-og, pag-ilis og asawa nga nag-ilis og relihiyon og political affiliation, pagka-gumon sa bino og og druga.
Lakip pa sa mga grounds ang unom ka tuig nga pagkabilanggo og pagka-adik sa sugal og uban pa.
